關於部落格
.....
  • 17357

    累積人氣

  • 0

    今日人氣

    0

    追蹤人氣

激 戰 ! 牛 津 郡



2008-05-22





遊 完 倫 敦 旁 的 牛 津 郡 ( Oxfordshire ) , 回 到 香 港 不 停 慫 恿 朋 友 去 玩 ︰ 「 好 刺 激 呀 ! 」
個 個 聽 完 之 後 都 一 頭 霧 水 , 牛 津 係 好 靚 好 有 書 卷 味 , 但 係 遊 大 學 睇 風 景 , 可 以 有 幾 激 ?
很 簡 單 , 只 要 由 牛 津 市 出 發 , 半 小 時 車 程 外 的 小 鎮 , 年 年 有 全 國 知 名 大 規 模 飛 機 展 , 唔 單 止 可 以 睇 勻 復 古 飛 機 、
聽 英 軍 介 紹 軍 機 , 仲 可 以 試 坐 試 飛 兼 睇 表 演 , 連 坦 克 都 有 得 坐 番 轉 , 直 頭 係 軍 事 迷 天 堂 。
唔 夠 喉 ?
牛 津 附 近 仲 有 幾 個 小 型 機 場 , 可 以 隨 時 隨 地 搵 飛 機 師 一 對 一 帶 你 飛 天 , 我 本 來 打 算 坐 定 定 睇 風 景 歎 一 歎 , 佢 竟 然 教 我 控 制 俾 我 掟 彎 , 過 足 癮 呀 ! 仲 話 唔 夠 激 ?


大 人 細 路 齊 齊 排 隊 坐 裝 甲 運 兵 車 。



英 國 皇 家 空 軍 年 年 撐 場 , 氣 勢 十 足 。




1966 Abbot 輕 型 坦 克 ( 左 ) , 66 年 製 , 全 球 只 得 168 架 , 退 役 前 大 部 分 時 間 駐 守 德 國 , 95 年 後 經 常 出 席 類 似 飛 機 展 軍 事 展 活 動 , 就 算 只 係 草 地 上 轉 幾 個 圈 , 都 大 把 人 爭 住 玩 。
請 來 英 國 花 式 飛 行 表 演 的 冠 軍 隊 伍 , 加 上 不 少 屬 罕 有 機 種 , 唔 少 人 帶 定 仔 霸 位 。



Cute 爆 的 寶 馬 Isetta , 245cc , 1956 年 賣 400 鎊 , 55 至 64 年 間 共 出 產 三 萬 架 , 呢 架 係 現 存 六 百 架 之 一 , 仲 識 行 識 走 。



曾 經 是 英 軍 傘 兵 訓 練 機 的 Tango Mike , 人 手 起 動 , 我 睇 住 佢 轉 左 五 次 先 成 功 呀 。



復 古 飛 機 懷 舊 車 大 集 會
牛 津 市 附 近 的 Abingdon Airfield 係 第 一 個 要 去 小 型 機 場 , 每 年 五 月 May Day Bank Holiday , 都 會 舉 行 飛 機 展 , 唔 止 飛 機 迷 自 己 架 小 型 機 去 show off , 連 英 軍 美 軍 , 甚 至 牛 津 郡 的 消 防 隊 都 會 撐 場 , 近 百 架 新 舊 飛 機 聚 集 , 加 上 老 軍 人 軍 車 舊 相 舊 用 品 、 懷 舊 車 迷 的 寶 貝 收 藏 等 等 , 豐 富 到 極 呀 , 根 本 唔 夠 時 間 逐 樣 慢 慢 睇 , 絕 對 唔 係 飛 機 展 咁 簡 單 !
旁 邊 有 兩 架 坦 克 車 駛 來 駛 去 , 一 眾 「 展 品 」 之 中 , 特 別 搶 眼 ! 我 飛 奔 過 去 睇 真 , 原 來 仲 可 以 試 坐 ! 雖 然 無 得 穿 越 叢 林 翻 山 越 嶺 , 之 但 係 每 當 上 斜 落 斜 走 過 泥 濘 , 全 車 人 , 唔 理 三 歲 細 路 仔 定 係 銀 髮 婆 婆 , 都 興 奮 到 向 場 邊 朋 友 , 甚 至 我 呢 個 陌 生 人 不 停 揮 手 。 另 一 樣 最 受 歡 迎 試 玩 , 有 1944 年 造 的 Tango Mike 古 老 飛 機 , 人 手 轉 螺 旋 槳 起 動 , 坐 機 內 人 拿 拿 臨 舉 機 影 相 。
坐 得 兩 個 人 迷 你 寶 馬 、 燒 煤 發 動 Q 版 火 車 等 等 不 同 類 型 展 品 , 加 上 唔 少 飛 機 排 隊 低 飛 、 反 轉 再 反 轉 花 式 表 演 , 全 場 幾 千 人 個 個 留 低 睇 到 最 後 一 刻 , 大 會 廣 播 bye bye 先 捨 得 走 。








Abingdon Air & Country Show
網 址 ︰ http://www.abingdonfayre.com
前 往 方 法 ︰ 由 牛 津 市 乘 X3 巴 士 到 Abingdon 鎮 轉 乘 的 士
注 ︰ 唔 想 等 出 年 , 今 年 13-14/9 , Spanhoe Airfield 將 舉 行 懷 舊 1940's Weekend & Air Show , 會 有 二 次 大 戰 軍 機 展 出 , 詳 情 ︰ http://www.operationmarketgarden2008.co.uk
Enstone 機 場 附 近 都 是 花 田 平 原 , 天 朗 氣 清 時 , 望 到 牛 津 市 , 風 景 靚 絕 。



除 非 落 大 雨 打 大 風 , 否 則 一 年 四 季 日 日 有 人 起 飛 。



Andy 會 幫 你 預 備 機 師 服 保 暖 , 加 埋 頭 盔 和 通 訊 器 , 全 副 武 裝 搞 掂 。



上 機 時 要 有 技 巧 地 跣 入 機 身 , 留 意 機 身 高 度 , 矮 到 似 會 半 空 跣 番 出



Andy 低 飛 俾 攝 影 師 影 相 , 仲 猛 叫 我 揮 手 , 好 在 架 機 飛 得 好 穩 陣 , 雙 手 唔 扶 住 機 身 都 唔 驚 。



飛 上 3,000 米 的 空 中 綿 羊 仔
試 飛 試 坐 , 熱 過 身 , 我 走 去 牛 津 市 附 近 另 一 個 小 型 機 場 Enstone Airfield , 找 教 練 Andy 帶 我 坐 超 迷 你 的 microlight 飛 上 天 ! 教 練 細 細 個 已 經 跟 爸 爸 小 型 飛 機 , 機 師 牌 有 幾 個 , 近 年 愈 愈 細 , 最 近 迷 上 flexwing , 佢 話 flexwing 操 控 簡 單 , 飛 得 最 似 雀 仔 咁 free , 係 空 中 綿 羊 仔 。
Flexwing microlight 由 hang gliding 改 革 而 成 , 玩 開 滑 翔 的 人 懶 得 次 次 住 套 工 具 上 山 , 於 是 加 引 擎 加 座 位 , 不 斷 改 良 , 變 成 今 日 microlight 。 Andy 架 係 最 新 款 , 正 在 飛 上 天 之 後 夠 穩 定 唔 會 搖 , 飛 得 好 舒 服 。 飛 完 半 個 鐘 之 後 , 我 親 身 體 驗 佢 講 句 句 百 分 百 真 實 ! 首 先 , 架 機 睇 落 簡 單 , 座 位 也 細 得 僅 僅 坐 到 兩 個 人 , 座 位 旁 邊 沒 有 阻 擋 , 即 是 你 的 雙 手 雙 腳 可 以 很 容 易 伸 出 機 外 , 真 係 似 電 單 車 , 一 樣 咁 皮 包 鐵 ! 一 路 飛 , 一 路 祈 求 Andy 掟 彎 時 不 要 表 演 他 的 一 流 技 術 , 我 真 係 驚 我 人 太 瘦 安 全 帶 太 鬆 , 會 在 座 位 上 跣 來 跣 去 , 跌 出 機 外 !
Andy 駕 輕 就 熟 到 一 個 地 步 , 係 唔 需 要 一 直 住 操 控 桿 , 仲 可 以 教 我 點 樣 轉 彎 上 升 下 降 , 然 後 交 俾 我 試 幾 分 鐘 。 我 聽 佢 指 示 輕 力 推 右 , 轉 左 , 掟 幾 個 彎 , 似 乎 很 成 功 , 其 實 緊 張 到 呢 , 好 想 即 刻 交 番 俾 佢 。 全 程 飛 得 穩 定 , 起 飛 降 落 都 很 流 暢 , 機 身 唔 會 震 , 坐 得 相 當 舒 服 。 唔 齋 坐 , 都 抵 !




Enstone Microlights
收 費 ︰ $1,680 ( 110 英 鎊 ) /1 小 時
網 址 ︰ http://www.enstonemicros.flyer.co.uk
前 往 方 法 ︰ 由 牛 津 市 乘 20 號 巴 士 到 Enstone 鎮 轉 乘 的 士
都 說 牛 津 郡 的 飛 機 迷 很 支 持 Abingdon Air Show , 我 們 在 這 裡 巧 遇 展 覽 時 見 到 的 小 型 老 虎 。



Enstone 機 場 ( 箭 咀 為 飛 行 學 校 ) 是 牛 津 市 附 近 的 小 型 機 場 之 一 , 好 多 人 度 學 飛 機 。











去 英 國 飛 天 !
想 飛 上 英 國 半 空 , 除 皮 包 鐵 超 刺 激 的 microlight 以 外 , Enstone 或 牛 津 機 場 , 仲 有 幾 間 飛 行 學 校 提 供 課 堂 , 可 以 學 或 齋 坐 唔 同 型 號 的 fixed wing microlight ( 小 型 定 翼 機 ) 。
至 於 對 Abingdon 展 覽 中 懷 舊 機 有 興 趣 , Classic Flight 其 實 有 幾 架 復 古 機 , 網 址 詳 細 列 明 每 次 飛 行 的 時 間 地 點 , 睇 可 以 上 網 買 定 飛 參 加 , 價 錢 約 65 至 99 英 鎊 。
另 有 公 司 提 供 各 種 飛 翔 活 動 , 想 激 , 有 hang gliding 滑 翔 機 , 或 者 一 家 人 齊 齊 坐 熱 氣 球 升 空 、 靜 靜 坐 直 升 機 遊 倫 敦 , 乜 都 有 。
網 址 ︰ http://www.classicflight.com ( 懷 舊 機 )
http://www.flycb.com ( 小 型 定 翼 機 )
http://www.experiencemad.co.uk/Flying-Experiences
http://www.flights4all.com
監 獄 前 身 其 實 是 一 座 城 堡 , 今 日 , 就 集 餐 廳 、 酒 店 、 景 點 於 一 身 , 所 有 餐 廳 都 有 露 天 座 位 , 以 入 口 旁 的 Prezzo 最 受 歡 迎 。



監 獄 其 中 一 翼 現 為 Malmaison 酒 店 , 94 間 房 , 梗 係 唔 會 得 一 間 監 倉 咁 細 , 通 常 由 三 間 倉 打 通 的 , 房 價 每 晚 $1,515 起 。



餐 廳 Prezzo 賣 意 大 利 菜 , 釀 蘑 菇 新 鮮 juicy ( $72 ) 。



部 分 監 倉 保 留 原 貌 , 聽 完 導 遊 講 古 仔 , 大 把 時 間 俾 你 慢 慢 睇 。



走 入 1071 年 古 老 監 獄
回 到 牛 津 市 , 在 漂 亮 的 古 老 大 學 之 間 , 我 們 繼 續 尋 刺 激 , 走 入 磚 牆 中 的 Oxford Castle , 1071 年 至 1996 年 的 千 年 監 獄 。
監 獄 已 改 裝 成 餐 廳 、 五 星 酒 店 、 博 物 館 三 合 一 多 功 能 景 點 , 但 酒 店 還 保 留 了 監 獄 的 格 局 , 一 間 間 牢 房 門 , 一 睇 就 聯 想 起 當 年 的 C-wing 。 參 觀 監 獄 更 深 刻 , 唔 止 睇 到 監 倉 真 面 目 、 幾 百 年 前 用 的 手 銬 鎖 鏈 、 死 刑 介 紹 等 等 , 我 最 記 得 的 , 是 犯 人 和 死 囚 的 簡 介 。 十 三 歲 的 男 孩 偷 半 磅 白 糖 、 十 五 歲 的 偷 皮 革 、 貌 似 家 庭 主 婦 的 女 士 偷 食 物 , 全 部 被 判 監 。 然 後 , 我 再 看 看 死 囚 的 罪 名 , 有 殺 人 、 打 劫 , 甚 至 偷 羊 , 幾 百 年 前 , 偷 羊 原 來 要 賠 命 的 。 我 怕 鬼 , 只 敢 日 光 日 白 去 參 觀 , 你 膽 子 夠 大 的 話 , 可 以 參 觀 星 期 五 晚 的 ghost tour , 大 把 鬼 古 你 聽 , 這 樣 完 成 牛 津 之 旅 , 刺 激 過 參 觀 大 學 校 舍 多 多 聲 。




Oxford Castle
網 址 ︰ http://www.oxfordcastle.com
監 獄 開 放 時 間 ︰ 每 日 10am-4:20pm
入 場 費 ︰ 成 人 $115 、 小 童 $58












資 料
前 往 牛 津 ︰ 乘 飛 機 至 倫 敦 希 斯 路 機 場 , 可 轉 乘 火 車 或 巴 士 直 達 牛 津 市 。 ( http://www.oxfordbus.co.uk )
時 差 ︰ 比 香 港 慢 七 小 時 。
貨 幣 ︰ 英 鎊 GBP , 兌 換 率 約 為 £ 1= HK$15.3 ( 匯 率 浮 動 , 文 中 價 錢 以 此 計 算 ) 。
市 內 交 通 ︰ 市 內 有 多 條 巴 士 線 貫 通 全 市 及 來 往 附 近 小 鎮 。
( http://www.stagecoachbus.com/oxfordshire )
住 宿 推 介 ︰ Randolph Hotel 位 於 市 中 心 , 地 點 一 流 , 建 於 1864 年 , 一 直 以 來 是 全 市 最 有 名 的 五 星 酒 店 , 可 說 是 牛 津 地 標 之 一 , 唔 少 遊 客 都 專 程 去 食 一 頓 英 式 下 午 茶 。 古 舊 外 表 , 內 裡 剛 翻 新 , 房 價 $1,970 起 。 ( http://www.randolph-hotel.com )


撰 文 ︰ 黎 狄 敏
攝 影 ︰ 蕭 志 南
mailto:nextb@nextmedia.com
相簿設定
標籤設定
相簿狀態